Ciudad Mujer Móvil rupive, Ministerio de la Mujer ombohape tembiapo aty atención integral rehegua Puerto Casado ha Carmelo Peralta-pe, oñemotenondévo kuñanguéra ha hogayguakuéra bienestar ha derecho-kuéra Chaco-pe.

Tetã oĩ hag̃ua umi tenda oikotevẽvévape, Ministerio de la Mujer omotenonde mokõi jornada “Ciudad Mujer Móvil” rehegua Alto Paraguay departamento-pe. Ko tembiapo interinstitucional, orekóva ñemoirũ ha pytyvõ amo 20 Tetã institución rupi, oheka omombyky tape ha omboguejy umi mba’e ohasáva mombyry rupive, oguerahávo atención médica, kuatia ñemboguata ha asesoramiento integral directamente umi distrito oñemotenondévape, ikatu hag̃ua kuñanguéra ha hogayguakuéra oike umi oportunidad iñimportántevape iñakãrapu’ãrã.

Tembiapo ojejapóva territorio-pe ojehechauka 1.293 servicio rupive, mokõive localidad-pe, ohupytývo 343 tapichápe. Puerto Casado-pe, equipo técnico ombohape 705 prestación 176 ciudadano-kuérape; Carmelo Peralta-pe katu oñemombarete 588 servicio, oñeñangareko hag̃ua 167 tapicha bienestar rehe. Ko’ã papapy ohechauka mba’eichaitépa iñimportante oñembojave institución-kuéra tavayguakuérape, oñeme’ẽ hag̃ua ñembohovái pya’e ha hekopete.

Compromiso social ryepýpe umi sector vulnerable-véva ndive, umi institución oikeva programa-pe ombohape avei donación ñeme’ẽ umi comunidad indígena mokõive táva pegua. Tekojoja ha pytyvõ rupive, oñeme’ẽ ao ro’y rehegua, frazada ha almohada, oñembyatypyréva umi equipo institucional rupive, oñeme’ẽ hag̃ua abrigo, cuidado ha bienestar umi familia nativa-kuérape, og̃uahẽvo ro’y ára.

Ciudad Mujer Móvil ha’e peteĩ programa omotenondéva Gobierno del Paraguay, Ministerio de la Mujer rupive ha Oficina de la Primera Dama pytyvõme, ombohasy’ỹva ha ombopya’éva acceso umi servicio público-pe. Ko iniciativa rupive, oñemokyre’ỹ hetave oportunidad, protección ha derecho-kuérape jeike, oñemyatyrõ hag̃ua kuñanguéra ha hogayguakuéra rekove porã opaite tetãme.

#GobiernodelParaguay